top of page
IMG_2245_edited.png

Yoga geassejorggáldagas
 

Davvesiidas
 21.6. – 23.6

Ain lea vejolaš searvat! Geahča vuollelis.

Mii geardduhat diimmá  lihkostuvvama ja bovdet yogavahkkolohppii Davvesiidas.

Dán jagi deaivá dát yoga leat geassejorggáldat áiggi. Energiijaid dáfus lea geassejorggáldat giitevašvuođa ja gierdevašvuođa áigi, áigi goas šaddadat dan maid giđđat leat gilván ja álggahan. Dalle bidjat alcceseamet mihtuid ja giitit mihtuid olahemiid ovddas, dego dat livčče jo ollašuvvan.

Seahkalagaid jaskes ja dynamalaš lihkastagaiguin main lea deaddu vuoigŋamii ja meditašuvdnii, de soaittát dovdat iežat ealasin maŋŋil vahkkoloahpa. Mii addit vejolašvuođa juohkehažžii gávnnadit iežanis, ja váldit vuostá dan maid dakkár gávnnadeapmi buktá.

 

Šaddet leat jaskes bottut, ođđa gávnnadeamit, ja dasa lassin oažžut áiggi návddašit čáppa mearra- ja várreguovlluid. 

Mii gávnnadat vahkkolohppii mas lea ashtanga- yin ja kundaliniyoga. Láidesteaddjit leaba Petter-Iŋggá Gunvor (Gunvor Guttorm) gii lea oahppan ashtanga- ja yinyoga oahpaheaddji ja Ovvlá-Kirstte Biret (Berit Nystad) gii lea fas oahppan kundalini- ja yinyoga oahpaheaddji. 

Yoga heive sihke dutnje gii leat easkkaálgi yogastalli, ja hárjánan yogastalli. 

Prográmma

Bearjadaga 21.06. 

dii: 1600-1730:   Biret

dii 1730-1900:    Gunvor

Lávvardaga 22.06.

dii 0900- 1020:   Gunvor

dii:1030-1230:    Biret

dii: 1230-1400:   Lunša

dii: 1400-1430:   Ráhkkaneapmi jaskes vázzimii

dii: 1430- 1630:  Jaskes vázzin

dii: 1630-1730:   Teadja 

dii: 1900:            Oktasaš mállásat

 

Sotnabeaivi 23.06

dii: 0900-1130:    Gunvor

dii: 1130-1230:    Biret

dii: 1230:             Loahpaheapmi

Searvama birra dieđut

Haddi: kr 2380

Máksindieđut bohtet miessemánu loahpas, geassemánu álggus. Mávssát dán ovddas:

  • Yoga

  • Lunšša

  • Teaja ja snoahpamušaid

Maŋimuš áigemearri dieđihit lea vuosárgga geassemánu 17. beaivvi. 

Dieđit iežat yogastallamii dákko ja deavdde dieđuid, dahje deaddil duon boalu vuollelis.

 

Idjadeapmi

Lea vejolaš idjadit tealttás dahje iežat  campingvovnnas Kálahis. Viesus ii leat šat sadji.

Sii geat idjadit viesus, juogadit earáiguin lanja.

Máksá 300 kr olles vahkkoloahpa ovddas buohkaide geat idjadit Kalahis.

  • Juohkehaš máksá dállueaiggádii báikkis

  • Váldde fárrui oađđenseahka/gávnniid

Muittuhat ahte dállu lea ceggejuvvon dakkamaŋŋá soađi, ja dálu dássi lea dan mielde.

Doppe aŋkke lea sihke hivsset, riššu ja gievkkan.

Borramuš

  • Oktasaš gaskabeaivi lávvardaga 22.06. Máksojuvvo sierra

  • Oktasaš lunša buohkaide,lea jo hattis.

 

Sidjiide geat idjadit Kalahis

  • Juohkehaš váldá fárrui iđitborramuša

  • Juohkehaš váldá mállása bearjadahkii 21.06

Yogastallanbáiki

Yogabeaivvit leat skuvlla lášmmohallanlanjas, nappo Lebesby oppvekstsenter

Váldde fárrui

  • Yogamáhttá

  • Yogaguottá/bolstara

  • Ránu/Ullogokčasa

  • Kohpa teadjabottuide

  • Lihtiid ja boradanreaidduid maid dárbbašat iđitborramii, lunšii ja oktasaš gaskabeaivái

  • Borramuša maid ieš borat

  • Liegga gárvvuid

  • Idjadandárbašiid

 

Eanet dieđut, oktavuođadieđut:

Berit Nystad, tlf 95 42 9518

Gunvor Guttorm +46 70-38 20 871

Line Kalak_edited.jpg
bottom of page