Eavttut

Davvi Yoga fállá yogaoahpahusa gos yogastalliid dearvvasvuohta lea guovddážis. Lea dattetge juohke yogastalli iežas ovddasvástádus yogastallat dorvvolaš vuogi mielde. Son dat dovdá iežas rumašlaš ja mielalaš veajuid, ja ferte ieš muddet yogastallama dan mielde. 

Mii buoremus láhkai heivehat oahpahusa yogastalliid máhtu ja hárjáneami mielde. Lea dehálaš ahte juohkehaš gii searvá, bargá nu mo bagaduvvo, maiddái jus lea dárbu lihkadit eará láhkái - oahpahusas čájehuvvo mo.

Davvi Yoga ii váldde ovddasvástádusa jus oktage roasmmohuvaš yogastaladettiin, ii dalle jus dáhpáhuvvá oahpahusas ii ge jus roasmmohuvaš priváhta dilis go ii leat oahpahusas. Jus olbmos ležžet vigit ja givssit maid ferte vuhtii váldit, de berre dán muitalit yogaoahpaheaddjái kurssa álggedettiin jo. Gulahala maiddái doaktáriin jus leaččat eahpádusas.

Dieđihat yogai skovi bokte mii lea juohke kursabovdejumis, dahje jo teakstadieđuin Birehii nummarii +47-95 42 95 18, dahje Davvi Yoga Facebook messenger bokte. Fuomáš ahte ii leat doarvái deaddilit “skal” (áiggun) ii ge “interessert” (soaittán) sosiála mediaid bovdejumiin.

Lea dehálaš dieđihit kursii áigemearrái vai čielgá leat go doarvái olbmot searvamin nu ahte kursa sáhttá álggahuvvot.

Retreahtaide leat sierra dieđihannjuoggadusat. Daid gávdná retreahtabovdejumi vuolde.

Mávssát yogakurssa faktura bokte. Drop-in tiimmaid mávssát Davvi Yoga vippsanummarii.

Go lea yogaoahpahus eará sajis go Kárášjogas, de lea álo ovdagihtii máksu. Nu maiddái vahkkoloahpa deaivvademiin ja retreahtain.

Jus buohccát dahje roasmmohuvat, de mákso ruhta ruovttoluotta go fal doavtterduođaštusa čájehat.

Retreahtaide leat sierra njuolggadusat maid gávnnat juohke reteahta vuolde.

Jus it sáhte searvat muhtin yogatiibmii man nu siva dihtii, maiddái jus leat illávejiid dahje oanehisbotta buozas, de ii mákso ruhta ruovttoluotta, muhto sáhtát addit iežat saji dan boddii muhtimii earái.

Jus yogakurssas ii šatta mihkkige, ja leat máksán, de mákso olles supmi ruovttoluotta.

Jus yogaoahpaheaddji ii sáhte boahtit oahpahit go lea buohcamin, dahje dálki ja siivu hehtte, dahje man nu eará siva dihtii man badjel ii ráđđe, de fállo ođđa tiibma jogo dakka maŋŋá kurssa dahje šaddá yogastallan moddii muhtin vahku.