Goŋŋastallan
Davvi Yoga fállá maiddái goŋŋastallamiid muhtin vahkkoloahpaid dahje árraeahkediid. Dábálamos lea goŋŋameditašuvdna man čiekŋalis čuohci jienat vuoiŋŋastahttet sihke rupmaša ja miela. Lea álo vuos yogastallan ovdal go goŋŋa čuojahuvvo.
Goŋŋastallan
bearjadaga skábmamánu 20. beaivvi
Jienat mat goŋŋas riegádit, leat erenoamážat. Min jierbmi ii nagat áddet daid, ja miella vuollána. Dát vuolláneapmi dahká ahte vuoiŋŋastat lossadit, ja vuojut čiekŋalis siskkáldas jaskatvuhtii.
Goŋŋastallamis yogastallat vuos ovttas. Ja de velledat láhttái ja dušše leat, dan botta go goŋŋa čuodjá.
Jietna bajiduvvo cehkiid mielde ja jienat dávistit gitta olbmo siskkimussii, ceallaid rádjai. Jietna bajiduvvo vilges jiena muddui - "white sound" rádjai, ja dát jietna sáhttá doalvut olbmo čiekŋalis meditiivválaš dillái ja jaskatvuhtii. Danne gohčoduvvo goŋŋa maiddái gievrramus šamanistálaš čuojanassan yogas.
Goŋŋmeditašuvdna ii heive áhpehis olbmuide ii ge nuoraide vuollel pubertehta agi.
Áigi: 18.00-20.15
Gos: Suomageaidnu 14, Karasjok
Máksá: kr 350, mákso vippsain Davvi Yogai, dahje rehket bokte, guhte dan sihtá.
Dieđit: maŋimustá beaivvi ovdal, 19.11. Sáhtát dieđihit maiddái dieđu bokte nummarii 954 29 518.
Válddes mielde kohpa go guossohat yogiteaja ja snoahpamušaid.
Buot maid dárbbašat yogastallamii leat yogastallanlanjas.
Sámi Dáiddaguovddážis giddejuvvo olgouksa 5 minuvtta ovdal go álgit, nu ahte fertet boahtit ovdal dien.
Eavttut: Jus it sáhteš boahtit man nu siva geažil dahje yogatiimmas ii šatta mihkkige, mana deike lohkat makkár eavttut leat dán yogastallamis.