Yoga Saharas

gos ođđa áddejumi gávdná
24. 10. - 31.10. 2026

Haddi: 16 900 kr

Vuolgge fárrui Marokkoi Sahara sáttoábi litna sáttodieváid jaskatvuhtii gos beasat mannat iežat siskimussii - dikšut rupmaša, miela ja vuoiŋŋa - ja gávdnat siskáldas ráfi.

Hárjehallamiiguin, meditašuvnnain ja diđolašvuođain láidestuvvot iežat siskáldas máilbmái - iežat ráfi latnjii.

Veahkkin midjiide lea sáttoábi jaskatvuohta, eana áibmu ja albmi. Mii yogastallat litna sáddus, dušše yogavuloš vuolde. Čohkkát ja veallát ná lahka eatnama doarju ja starggasmahttá olbmo. Áimmu dovdat liegga jiellan mii joraha sáddu smávva bárožin eatnan mielde ja sáttodieváid badjel, ja násttiid valljivuohta duođašta gomuvuođa stuorisvuođa.

Mii álgit seavdnjadin lihkastagaiguin mat boktet rupmaša johtui. Ja de nuortan sáttodieváid duohken badjána iđitbeaivváš min mantračuoŋaide.

Go veiggodišgoahtá, de hástit du bures vanahallat ovdal go velledat liegga sáddui ja divttát iežat vuodjut čiekŋalis ja dálkkodeaddji vuoiŋŋasteapmái - jaskatvuođas.

Mii lea vuordagis

Šerres nástealmmi rájes guoibmás dollastallamiidda árrangáttis, juohhke čalbmeravkaleapmi leairras lea bovdejupmi guođđit huša ja leat áiddo dán bottas ja iežainis. Retreahtas geassádat oktavuhtii mas yoga lea guovddážis.

Danne go yoga fátmmasta buot olbmos, de sáhttet váivves ja vuorddekeahtes dovddut badjánit. Dát sáhttá dovdot váttisin ja suhttadahttin, ii ge olmmoš soaitte áddet manne dovdá nu mo dahká.

Dát lea yoga vuoigŋa. Ane buorrin go dán beasat vásihit. Don leat namalassii buhttisteamen iežat čiekŋaleamos čiegáid.

Arvva luoitit

Yogastallamat

Mii yogastallat guktii beaivái go leat sáttoábis. Árrat iđit ja veaigin.

Dát yogaretreahta heive sihke easkkaálgiide ja dutnje gii leat hárjánan yogastallat. Davvi Yoga oahpaheaddji Biret heiveha hárjehallamiid nu ahte maiddái don gii it goassige ovdal leat yogastallan, sáhtát fátmmastit juohke lihkastaga, jiena ja vuoiŋŋádeami čiekŋalis fámu. Oahpahuvvo sáme- ja dárogillii.

PRAKTIHKALAŠ DIEĐUT

Hattit

Olles haddi: 16 900 kr (duppallanjas).
Dieđihanmáksu: 4 000 kr, oassi olles mávssus.
Oktolatnja: 5 000 kr

Galle olbmo
Eanemusat 10

Haddái gullá 7 beaivvi beaivválaš yoga ja meditašuvdna, buot sáttostallan, idjadeapmi ja borran Marokkos, - earet gaskabeai-mállásat Marrakechas, čáhci, ofelastin ja buot doaimmat leairras. Haddái eai gula girdimátkkit, dáhkádusat, juhkamušat mátkkoštettiin, sisabeassanmávssut ja tipssat.

Dieđihanáigi
Maŋimuš 21.08.26

BEAIVVÁLAŠ PROGRÁMMA

tii 06.00-08.15 Iđityoga

tii 08.30-09.30 Iđitborran

tii 14.00-15.00 Lunša

tii 17.30-19.00 Eahketyoga

til 19.30 Mállásat

til 21.00 Dolastallan

BUĐALDEAMIT

Kamelain riidet: Vásit sáttoábi loktosis kamela alde.
Hávdun: Muosát dálkkodeaddji ja álššaidahtti hávduma liegga sáddus. (ferte leat báhkka dálki).
Breathwalk: Diđolaš vuoigŋan váccedettiin mii bajida vitalitehta.
Sáttoláibi: Oainne mo eamidábiid mielde sáhttá láibut.
Amazigh nissonkooperatiiva: Ráhkadit láhtte-, seaidneránuid ja guoddáolggožiid. Vejolaš oastit.

DIEĐIHAN JA ERETCEALKIN NJUOLGGADUSAT

Go dieđihat yogaretreahtii, de dohkkehat čuovvovaš dieđihan- ja eretcealkin eavttuid.

Dieđihanmáksu lea 4 000 kr mii lea oassi retreahtamávssus.
Maid dát mearkkaša: Dieđihanmávssu (4 000 kr) ii leat vejolaá oažžut máksot ruovttoluotta das rájes go leat máksán dan.
Gáhtanlága mielde lea dábálaččat 14 beaivvi gáhtanáigi, muhto dát dávjá ii guoskka astoáiggidoaimmaide maidda lea dáhton jo biddjon, nu go:
mátkkiide
kurssaide
retreahtaide
Dieđihit ferte maŋimuš 2,5 mánu ovdal mátkki. Easkka go leat máksán de lea dus sadji retreahtas.
Go dieđihat maŋŋá 27.07.26, de mávssát olles hatti oktanaga.

Go cealkkát eret 3 mánu ovdal go yogaretreahta álgá, namalassii ovdal suoidnemánu 20. beaivvi, de mákso ruhta ruovttoluotta, earet 4 000 kr.
Go cealkkát eret 90 – 60 beaivvi ovdal go yogaretreahta álgá, de mákso 50 % mákson ruđas ruovttoluotta.
It fidne ruđa ruovttoluotta go cealkkát eret unnit go 60 beaivvi ovdal go yogaretreahta algá.
Jus retreahta kansellerejuvvo go leat menddo uhccán oassálastit dahje lágideaddjiid buozalmasvuođa dihtii, de mákso olles supmi ruovttoluotta.

Sáhttá geavvat ahte šaddat earáhuhttit mátkeruvttu áiddo ovdalaš mátkki vuorddekeahtes ja kontrollerekeahtes sivaid dihtii. Dát sáhttá mielddisbuktit ahte šattat loahpahit osiid dahje olles diŋgojuvvon mátkki. Sivat sáhttet leat dálki, luonddu- ja atomaroasut, buollimat, stuimmit, siviila muosehuhttimat, industrijarii čadnon riiddut, terror, soahti dahje soahteáitagat.
Bargoriidu sáhttá leat riidu fálaldagaiguin mat midjiide gusket dahje cuohcat daid fálaldagaide maid mii fállat ja maidda eat nagat fállat eará sadjái. Jus šaddet maŋŋoneamit, rievdadeamit dahje kanseleremat "force majeure" dihtii, de eat guotte ovddasvástádusa das.
Várut ahte dus lea rivttes ja dohkálaš mátkedáhkádus mátkái. Dáhkádus ferte gokčat táhpa, goluid, billašuvvamiid mat bohtet táhpa, lihkoshisvuođa, buozalmasvuođa, jápmima ja medisiinnálaš sivaid geažil, ja maiddái persovnnálaš ovddasvástádusa.
Mii ávžžuhat maiddái du oastit dáhkádusa mii máksá jus láhpát iežat biergasiid, girdit maŋŋonit dahje kanselerejuvvojit, bagáša láhppo dahje láhpát dahje suoládahtat ruđaid.
Buot dáhkádusat leat du iežat ovddasvástádus ja vuordit ahte barggat nu mo čilgejuvvon dás.
Dieđihastte diŋgodettiin jus duš ležžet makkár ge erenoamáš dárbbut, sáhttá leat borramuša dáfus, seaŋgaguhkkodagaid dáfus jna.
Mii bargat buot maid nagadeažžat ollašuhttit du dárbbuid dan ektui mii Marokkos lea vejolaš, muhto eat sáhte lohppidit ahte nagadat duhtadit du hálidusaid ollásit.
Fuobmá fal ahte ollu riikkat, rederiiját ja girdisearvvit gáibidit ahte pássa lea dohkálaš gitta 6 mánu maŋŋá go mátki lea nohkan. Mátkkošteaddji ferte maiddái iskat visumnjuolggadusaid su stáhtaboargárgullevašvuođa ektui dan riikkas gos johtá.
Lea mátkkošteaddji geadnegasvuohta váruhit ahte sus ja daid olbmuin geaidda diŋgo mátkki, leat gustovaš pássat, vejolaččat maid visumat, dan beaivvi go lea vuolgga.
Jus mátkkošteaddji lea duhtameahttun mainna nu, de ferte dán dakkaviđe dieđihit vuoddjái/ofelažžii, olgomátkki fuolaheaddjái dahje hotelle bargiide. Dat bohtet bargat buot maid nagadežžet njulget dili.

Jo, searvvan áinnas !

Várrejehket saji munnje

Dán dadjet ovddeš oassálastit

Buot stuorámus gággamuš yogain lei álgit árratiđit čoaska iđđediid. Seammás lean nu ilus go lean beassan vásihit dan daid heiviid go nagadin. In boađe goassige vajáldahttit dan erenoamáš dovddu go mediteret beaivváš badjáneami áiggi.

– Aleksandra
Go mon lean válljen vuolgit Saharai, Marokko sattoáhpái juo goalmmát jagi, de dieđán ahte doppe lea hui earálágan yogamátki. Go ollen sáttoáhpái, de boahtá jaskatvuohta ovddal. Hánas-Johanas-Waldemara Biret ja Nils-Åge Britt leaba lágiidan yogamátkkiid. Sudno ulbmil lea ahte sii geat oassálastet galget vásihit juoga erenoamáža. Ja dan gal lean beassan dahkat.

- Elfrid
Sáttoáhpi ja sin siida šattai duođai ruoktun. Sin meahccebeale báikedoallu ja sin luondu muittuhii min eallinvuogi. Eai lean jierrásat goassige, válde gulul. Guovlu lei dego min várreguovllut, eai lean dušše guolbanat muhto valjit buolžžat, dievát, marrasat, várit ja čohkat. Iige leat beare deaivat go dálkkaska, ja bárttit gal sáhttet čuožžilit doppe dego mis gos leat duoddarat ja guhkes gaskkat. Nu olu ovttaláganvuođat. Áinnas vuolggálin juohke jagi dohko jus ruhtabursa gierddalii. Mii vel buoret go sáttoáhpi.

- Elisabeth
Ávžžuhan buohkaid geain lea beroštupmi mátkkoštit ja vásihit ođđa kultuvrra fiinna olbmuiguin ja prográmmain! Dát ii leat dušše yogamátki, muhto all inclusive mátkevásáhus mas beassá oahpásmuvvat Marocco kultuvrraiguin. Mátki siskkilda buori biepmu, čeahpes ofelaččaid ja iešguđetlágán báikkiid gos beassá vásihit mánggabeal Marocco! Sáttoáhpi ja duottar leat eanet sullasaččat go maid jáhkálii ja doppe beassá bosihit ja vuoinnastit jus dan dárbbaša, muhto maid áicat luonddu ja ealliid.

– Káren-Ann
Yogastallat jáldun ovdal go čuvggoda, lea čába vuohki álggahit beaivvi. Nohkastit olgon nástealmmi vuolde mánoheahpen jaskkodahtii ja attii ráfi. Kamelain riidet ja oađđit olgon lei erenoamáš. Dát ovttageardánis ja autenttalaš eallin sáttoábis riggodahtii, ja dovddan issoras giitevašvuođa dál maŋŋá.

– Maina

Eambbo dieđut

Idjadeapmi

Mii orrut luođodilis sáttoábis. Tealttáin leat láhččojuvvon seaŋggat. Ávžžuhat váldit asehis ja geahppa oađđinseahka mielde jus hálidat oađđit olgun dan stuorra nástealmmi vuolde. Oktasaš rišut ja hivssegat ja restaurantatealtá gávdno leairras.

Biktasat ja biergasat

Váldde mielde biktasiid báhkka beivviid ja galbma iđđediid várás.
Ávžžuhat váldit mielde ullosuohkuid, liegga yoastallanbuvssaid, asehis olgguldusjáhka dahje buori báiddi galbma iđđediidda.

Buorit skuovaid; sandálaid ja viehkanskuovaid.
Oaivesuoji nu go gaibagahppira, liinni dahje turbana.
Yogamáhtá, ránu dahje stuorra liinni.
Gállolámppá dahje lupmalámppa.
Beaivvášvuoiddas.
Heahtedili várás nu go plastera, febernjeaidin tableahtaid, čoavjebonjahat tableahtaid, hávvevuoiddasiid jna)

Čáhci ja buhtisvuohta

Hotelliin ja restauranttain leat ođđaáigásaš/oarjemáilmmi hivssegat. Eará sajiin sáhttet leat pedálahivssegat gos ii leat hivssetbábir. Válddes danne mielde toaleahttabáhpára dahje intimservieahtaid, vejolaččat maid giehtabuhtistangela. Dalle ii leat nu heahti jus čáhci váilu. Spriŋŋačázi it galgga juhkat.

Tipsa

Marokkos lea dábálaš attestit “viehkanruđa”, nu guhká go service lea dohkálaš. Dábálaččat addá tipssa ofelaččaide, hotellebargiide, restauranttaide jna. Dus berrejit danne álo leat šlánttit/ruhta maid sáhtát attestit.

Lea áibbas du iežat duohken hálidat go addit lasi ruđa - ja man ollu.

Girdit ovdan ruoktot Marokkoi

Norwegian girdá ovdan ruoktot Marrakechii sihke Oslos ja Stockholmmas golggotmánus. Ávžžuhat jámma geahčastallat girdibileahtaid vai fidnet buori haddái.